Ақмола облысында иіс тиген 82 жастағы кейуана құтқарылды

Ақмола облысында учаскелік инспектор иіс тиген 82 жастағы кейуананың өміріне араша түсті.Бұл туралы облыстық ПД баспасөз қызметіне сілтеме жасап ҚазАқпарат хабарлады. 

Ведомствоның мәліметі бойынша, оқиға 2 қаңтарда Жақсы ауданының Киевское ауылында болған.

«Ауыл тұрғыны полицияға хабарласып, көрші тұрған екіпәтерлі тұрғын үйден түтіннің иісі шығып тұрғанын айтты. Оқиға орнына жеткен Жақсы аудандық ПБ учаскелік инспекторы аға лейтенант Азамат Әбдуахитов үй ішінде 82 жастағы қарияның барын анықтады. Түтіннің иісіне уланған кейуананың өздігінен қозғалуға мұршасы болмаған. Сондықтан, тәртіп сақшысы қарияны көтеріп сыртқа шығарып, көлігіне отырғызды. Медицина қызметкерлерін шақыртып, қарияны танысының үйіне жеткізді. Кейін арнайы қызмет мамандары келгенше қарияның көршісімен бірлесіп, өртті сөндірді»,- дейді ПД баспасөз қызметіндегілер.