Ақмола облысында ІІД лауазымды тұлғалары ұсталды (видео)

ҚР Мемлекеттік қызмет істері және сыйбайлас жемқорлыққа қарсы іс-қимыл агенттігі мен Ұлттық қауіпсіздік комитеті Ақмола облысындағы ІІД лауазымды тұлғаларының қылмыстық ісін әшкереледі. ІІД қызметкерлері «Қазақалтын» ТМК АҚ шахталарының бірінен заңсыз алтын өндірген тұлғалардың қылмысына «көз жұмып» қараған. Бұл туралы Вaq.kz сайты ведомствоның баспасөз қызметіне сілтеме жасап хабарлады.

Қылмыстық топқа Степногорск қаласының ІІБ бастығының орынбасары Т.Д. Дүйсембаев, Ақсу қаласы полиция бөлімінің бастығы С.Н. Бибатыров, Бестөбе ауылы полиция бөлімінің бастығы Д.К.Айнагелдинов, Степногорск қаласы ІІБ шұғыл қызметі уәкілеттілері А. Жекібаев және А.Б. Құлышев, сонымен қатар дәстүрлі емес діни ағымдардың жақтаушылары кірген.

Аталған лауазымды тұлғалар жүйелі түрде бірнеше рет шахтаға заңсыз түсіп, еш қиындықсыз алтын қазып алуға рұқсат бергені үшін пара алып отырған.

Тінту кезінде 23 млн теңгеден астам ақша, тапанша, жарылғыш заттар, ұнтақ және бөлшек алтын тәркіленді.

2018 жылдың 14 наурызында ҚР ҚПК 128-бабына сәйкес күдіктілер ұсталды және Көкшетау қаласы ІІБ уақытша тергеу изоляторына қамалды. Тергеу жүріп жатыр.

https://www.facebook.com/ADGSPK/videos/1633354083417637/?t=2