Ақбота Сейітмағамбет «ажырастым» деген күйеуімен бірге той басқарып жүр (видео)

23 қазан 2017, 11:20

«Біз ажырастық» деп барша қазақстандықтарға жар салған Дәурен Айдарқұлов пен екінші әйелі Ақбота Сейітмағамбет той басқарып жүр. Атышулы жұптың той жүргізіп тұрған видеосы Instagram желісінде пайда болды. Бұл туралы nur.kz порталы хабарлады.

Екеуін бірге көрген желі қолданушылары «ажырастық» деген мәлімдемені жарнама үшін жасады деген болжам айтып, оларды қатаң сынға алды.

«Алла жолында жүрміз» дейді, бірақ өтірікті көп айтады», «Қазақи құндылықты жоғалту деген осы. Жанұяны бұзғандар аппақ, кіршіксіз келіннің ақ тойын былғады ау», «Бұл қыз өткенде Дәуренді өтірікші деп еді, мұның өзі суайт», «Ұятсыздар, халықты жынды қылған», «Мен тойыма бұл екеуін шақырмас едім, біреудің шаңырағын тартып, өзінің бала-шағасын тастаған адамдарға той басқарту масқара емес пе?!», «Той иесі не ойлады екен»,- деп жазған желі қолданушылары.