Айналаңызда ажал жүр

20 тамыз 2019, 14:34

«Әлемде түрлі химикаттан уланып, әр секунд сайын бір адам өледі дегенге сенесіз бе?» Шын мәнінде солай екен. Осыған байланысты Біріккен Ұлттар Ұйымының өкілдері дабыл қағып, сақ болудың сан түрлі жолын ұсынып жатыр.

Құзырлы ұйым барлық елдерді қауіпті пестицидтерден сақтануға және бақылау жасауды күшейту үшін жаңа келісім жасауды ұсынды. Адам құқы және қауіпті заттар мен қалдықтар мәселесіне байланысты баяндама жасаған Башкут Тунджак әлемде жылына жалпы 2 780 000 адам жұмыс орнында қауіпсіздік сақталмауы немесе зиянды жерлерде жұмыс істеуден улаынп өлетіндігін айтты.
Қазір кәсіпорындар адам денсаулығын қорғауды өз міндеттеріне алған. Соған қарамастан радиация мен пестицид және басқа да улы заттардан әр секунд сайын бір адам көз жұмады. Ал сарапшылар өлім құшқандардың қатары бұдан да көп болуы мүмкін екенін айтады. Айталық алтын сататын қаржы мекемелерінде де сынаптан өлетіндер бар екен.

Жолдасбек ДУАНАБАЙ