Айман Омарованың көлігінің өртенуіне қатысты тексеру жүргізілуде

Алматыда танымал адвокат Айман Омарованың көлігі өртеніп кетті. Полиция бұл дерекке қатысты тексеруді бастады.

Оқиға 18 мамыр күні Медеу ауданындағы әл-Фараби көшесі мен Назарбаев даңғылының қиылысында болған. Айман Омарова Facebook парақшасында көліктің тежегіші істен шыққанын жазды.

Қалалық төтенше жағдай департаментінің өкілдері оқиға орнына 7 минутта жеткен. «Өрт сөндірушілер 22.00 келгенде «Lexus-350» көлігі өртеніп жатқан. Тілсіз жау 2 шаршы метрді шарпыған. Өрт 22:04-те ауыздықталып, 22:07 де толық сөндірілді.

Өрттен жапа шеккендер жоқ», — деп мәлім етті ТЖД баспасөз қызметі. Қалалық полиция департаменті аталған дерек бойынша ҚР ҚК 202-бабының 2-бөлімімен қылмыстық іс қозғады.

«Қылмыстық іс өндірісі Медеу аудандық полиция басқармасына берілді. Өрт бойынша техникалық сараптама тағайындалды. Сараптама қорытындысынан кейін өрттің неден шыққаны анықталады», — деді полиция.

ҚазАқпарат