Айгүл Иманбаева жылдар бойы араласпаған әкесін көрсетті (Видео)

Айгүл Иманбаева әкесімен видео жариялап, елді тәнті етті. Актрисаның ата-анасы бала кезінде ажырасып кеткен. Отбасылық кикілжіңді ауыр қабылдаса керек, ол ұзақ жылдар бойы әкесімен араласпай келген.

2013 жылы «Айтылмаған әңгіме» атты ток-шоуда енді жақындасып келе жатқан әкесі мен қызы қайта араз болып қалды. 35 жылдан кейін табысқан әкесімен Айгүл қайта араласпай қалды. Араға 7 жыл салып, былтыр Иманбаева әкесімен татуласты. Екеуін журналист Аман Тасыған табыстырды.
Ал кеше актриса әкесімен бірге түскен видеосын жариялап, елді тәнті етті.
Бейнежазбада актриса әкесінің Нұр-Сұлтанға келгенін айтып қуанды.

«Папам келіп, еркелеп жатырмын», — деді ол.

Актрисаның бал-бұл жанған жүзін көрген оқырмандар ол үшін қатты қуанды. Продюсер Гүлзира Айдарбекова да тәнті болғанын жеткізді.

«Айгүл өте орынды жасап отыр, өте ақылды екен. Әке мейлі қандай болса да, оған өмір берді, мінекей ауа жұтып, жер басып адам болып жүргені әкесінің болғаны. Негізі жақсы болсын, жаман болсын, әкеден бата алмай, ешбір қыздың бағы ашылмайды деген сөз бар. Көріп қуанып қалдым, керемет көрініс. Қалай аумай қалған, қараңдаршы», — деп пікір қалдырды Қайрат Нұртастың анасы.

 

Посмотреть эту публикацию в Instagram

 

Публикация от (@aigul_imanbayeva)

Stan.kz