
Қоғам да, азаматтар да пандемияның аса қауіпті тажал екенін түсінді. Денсаулыққа жіті мән беріп, сергек, жинақы бола бастады. Қазір жағдай тұрақталып келеді. Кеселге ұшырағандар мен өлім-жітім дерегі азайды. Емдеу орындарын төсек-орынмен, науқастарды дәрі-дәрмекпен қамтамасыз ету, білікті медицина мамандарын тарту ісі жолға қойылды.
Азаматтар өз денсаулығы үшін ең алдымен өздерінің жауапты екенін, көршілерінен, көшеде кездескен адамдардан қарапайым тазалық және қауіпсіздік шараларын, арақашықтық сақтауды талап етуі тиіс. Өйткені, адамның бай болуы да, сау болуы да ең алдымен оның ерік-жігеріне байланысты. Міне, осы бағытта жұмыс жүргізу қажет.
Ендігі жерде экономиканы қалпына келтіру көкейкесті міндетке айналғалы тұр. Жұртты жұмыспен қамту, xалықтың тұрмысының төмендеп кетпеуіне жол бермеу үшін бәрі жұмылып еңбек етуі тиіс.