Айдос Ербосынұлы қарсыласын нокаутпен жеңді

Нұр-Сұлтандағы «Көшпенділер шайқасы-2» бокстың басты бәсекесінде қазақстандық Айдос Ербосынұлы қарсыласын нокаутпен жеңді.

Айдос Ербосынұлы (15-0, 10 КО) өзі үшін маңызды кездесуде ганалық Леннокс Алленмен (22-1-1, 14 КО) жұдырықтасты. 12 раундқа есептелген жекпе-жекте қарсыластар бір-біріне соққы дарытып бақты. Дегенмен оныншы раундта Айдос ганалық боксшыны бұрыштан шығармай, ұрып жықты. Сөйтіп ол техникалық нокаутпен жеңіске жетті. Осылайша бұған дейін 15 кездесуінің 10-нын нокаутпен аяқтаған А.Ербосынұлы өз спорттық жолындағы ең маңызды табысына қол жеткізіп, WBA сериясы бойынша әлем чемпионы атағына таласуға үміткер атанды. Ал Л.Алленнің бұл екінші жеңілісі еді.

ҚазАқпарат