Air Astana компаниялары тобының жолаушы легі 2019 жылы 17% -ға артты

23 қантар 2020, 18:23

2019 жылы Air Astana компаниялары тобы 5,058 млн. жолаушыны тасымалдады, бұл 2018 жылмен салыстырғанда 17% көп. Ішкі жолаушылар легі 36% өсті. Соңғы 6 айда жалпы трафик 32%, ішкі трафик 62% құрады, желтоқсанда 93% артты.

Нәтижелерді түсіндіре отырып, Air Astana тобының президенті Питер Фостер былай деді: «Жақсы нәтижелер Елбасы тапсырысы бойынша 2019 жылдың 1 мамырында іске қосылған FlyArystan бюджеттік әуе компаниясының жоғары көрсеткіштерімен түсіндіріледі. Нәтижелер ойлағанымыздан асып түсті, өйткені FlyArystan іске қосылғаннан бері 720 000 жолаушыны тасымалдады, олардың дені ұшаққа бірінші рет отырды. IATA (Халықаралық әуе көлігі қауымдастығы) ғаламдық әуе тасымалын жыл сайынғы талдауын әлі жарияламағанына қарамастан, Қазақстан 2019 жылы әлемдегі ең жылдам дамып келе жатқан нарықтардың біріне айналды деп болжаймыз. Бұл тенденция 2020 жылы FlyArystan авиапаркін және ұшу желісін кеңейтуімен жалғасады».