Air Astana компаниялар тобы Қазақстанда бірінші болып FlyArystan құрылымдық бөлімшесіне тиесілі Airbus A320 ұшағында C2 техникалық қызмет көрсетудің ауыр түрін Астанада өздігінен жүзеге асырды.
Биыл жалпы екі C2-check жоспарланған. Airbus тобының ұшақтарында C2-check техникалық қызмет көрсетуге рұқсат 2022 жылдың тамызында алынған.
Роберт Дандо, Air Astana техникалық қызмет көрсету жөніндегі аға менеджері: «Осы санаттағы техникалық қызмет көрсетуді жүргізу компанияның инженерлік-техникалық персоналының жоғары кәсіби деңгейі мен мүмкіндіктерін, сондай-ақ жоғары сапалы С2-check үшін материалдық базаның жабдықталуын растайды. Сонымен қатар, C2-check-ті өздігінен жүзеге асыру әуекомпанияға осы жұмыс түрлеріне жұмсалатын едәуір қаражатты үнемдеуге мүмкіндік береді».
C2-check-ті өткізу кезінде әуе кемесінің әртүрлі бөліктерінде тереңдетілген тексерулер мен сынақтар жүргізіледі: ауа баптағыш сүзгілер мен кілемдерді ауыстырудан бастап бұзбайтын бақылау әдісі арқылы әуе кемесінің құрылымын тексеруге дейін.
Airbus ұшақтарында C2-check әрбір 24 000 ұшқан сағатынан немесе 12 000 қонудан кейін жүргізіледі.
C2-check-пен қатар 2019 жылдан бастап әуекомпания Airbus A320/321 ұшағында C1-check жүргізеді. Сонымен қатар, Компаниялар тобы 2023 жылдың жазында рұқсат алуға жоспарлаған 6 және 12 жылдық check-терге дайындықты бастады. Бұл Air Astana-ға Астанада орналасқан Airbus A320/321 ұшақтарына техникалық қызмет көрсетудің барлық деңгейін жүзеге асыруға мүмкіндік береді.