Air Astana Қазақстан аймақтарына ұшуларды қайта орындайды

Air Astana әуекомпаниясы Төтенше жағдай режимі аяқталғаннан кейін Қазақстанның облыс орталықтарына тұрақты рейстерді қайтадан орындай бастайды. 12 мамырдан Ақтөбе және Қызылордаға Алматыдан, ал 13 мамырдан Нұр-Сұлтаннан қатынайды. Сондай-ақ, 13 мамырдан Алматыдан, ал 14 мамырдан Нұр-Сұлтаннан Өскеменге рейстер орындалады. Рейстерге Airbus A320/A321 және Embraer E190-E2 ұшақтары пайдаланылады. Air Astana басқа қалаларға әуежайлары ашылғанда қатынайтын болады.

Рейстер кестесімен airastana.com сайтында танысуға болады.

Билеттерді әуекомпаниясының сату кеңселерінде, әуекомпаниясы сайтында, Брондау және ақпарат орталығында және әуекомпаниясы мен ИАТА-мен тағайындалған агенттіктерде сатып алуға болады.