Аида Балаева: Аноним Телеграм-каналдар журналистика талаптарын сақтамайды

30 қазан 2024, 18:46

Бүгін Мәжіліс кулуарында мәдениет және ақпарат министрі Аида Балаева журналист Данияр Әділбековке шығарылған сот үкімі мен «көлеңкедегі» Телеграм-каналдар туралы пікірін айтты. Министр сот шешімімен келіспегендер үкімге қарсылық білдіре алады дей келе: «Аноним Телеграм-канал БАҚ-қа жатпайды. Бүгінде заңды сұрақ – неге кәсіби журналистер аноним Телеграм-арналардың журналистерін қорғап жатыр? Жасыратыны жоқ, көбісі бұл анонимді Telegram арналарынан зардап шекті, себебі олар журналистика талаптарына, яғни ашықтық пен шынайылықты сақтамайды. Ал шағымды кәсіби журналист Гүлжан Ерғалиева түсірген. Мен оны кәсіби журналист ретінде білемін, бірақ, шынын айтсам, Әділбековті танымаймын», — деді министр.