Африкада су тасқынынан 46 адам мерт болды

Африка құрлығының оңтүстік-шығыс жағалауында «Ана» тропикалық дауылынан су тасқыны болып, 46 адам мерт болды, деп хабарлайды ҚазАқпарат тілшісі АР-ға сілтеме жасап.

Циклон салдарынан су тасқыны болып, электр жарығы сөнген және адамдар қаза тапты. «Алдын ала бағалау бойынша, табиғи апат салдарынан 46 адам қаза болып, 49-ы түрлі жарақат алды, 65 мың адам баспанасыз қалды. Жалпы, Ана салдарынан 500 мыңнан астам адам зардап шекті», — делінген Мадагаскар, Мозамбик және Малави билігінің мәлімдемесінде. Малавидің оңтүстігінде су тасқынынан көптеген үйлер қирады. . Адамдар шіркеу мен мектептерді паналауда. Қазіргі таңда іздеу-құтқару тоды құрылып, адамдарға көмек көрсетіліп жатыр.