
Nike компаниясы 666 жұп «Satan shoes» яғни «Шайтан аяқ-киімін» шығарғаны үшін сын астында қалды. Бұл жаңалық желі қолданушылары арасында тез таралып, қызу талқыға түсті. Кроссовканың табанында пентаграмма бейнеленген және адамның бір тамшы қаны тамызылған.
Бұл «ерекше» идеяның авторы әйгілі репер Little Nas X. Алайда Nike бұл іске ешқандай қатысы жоқ екенін алға тартты. Соған қарамастан желі қолданушылары компанияға қатты ашулы және олардың өнімдерін алмаймыз деп уәде беруде. Енді 30 наурыз күні, Nike авторлық құқық бұзды деп MSCHF компаниясын сотқа берді. Олардың айтуынша ешқандай келісімсіз, Nike Air Max 97 модельіне өзгертулер жасап, сатылымға қойған.
Тоғжан ӘБДЕШ
Абылай хан атындағы Қазақ халықаралық қатынастар және әлем тілдері университетінің студенті