Адам саудасымен айналысқандар сот алдына келді

Алматы облысының № 2 кәмелетке толмағандардың істері жөніндегі мамандандырылған ауданаралық сотында сәби сатпақ болғандардың ісі қаралып жатыр. Бұл туралы ҚазАқпарат хабарлады.

Сот алдында отырған бес адамның бірі дәрігер, деп хабарлайды ҚазАқпарат тілшісі. Алматы облыстық сотының баспасөз қызметінен мәлім еткендей, Қарасай аудандық орталық ауруханасында бала сатпақ болған дәрігер мен тазалық қызметшісі, сәбидің анасы мен әжесі, сондай-ақ сатып алушы ҚР ҚК-нің 135-бабы 2-бөлігінің 1-інші және 12-тармақтары бойынша («Кәмелетке толмағандар саудасы») айыпталуда. Алғашқы сот процесі жабық режімде өтті.

Келесі сот отырысы 9 қарашаға белгіленді.