Абайдың өлеңін оқыған әкімшілік қызметкерлеріне айыппұл салынды

Өскемен қалалық әкімдігінің лаузымды тұлғалары әкімшілік жауапкершілікке тартылды. Бұл туралы порталы Altaynewskz сайты хабарлады.

Тамыз айының басында қала басшысы Жақсылық Омар бастаған әкімдік қызметкерлері Абайдың «Әсемпаз болма әрнеге» өлеңін оқып, эстафетаны Қостанай қалалық әкімдігіне жолдады. Басылым таратқан ақпаратқа сәйкес, осыған байланысты қала әкімінің орынбасары мен мәдениет және тілдерді дамыту бөлімінің басшысы айыппұл арқалаған. Облыстық Тауарлар мен көрсетілетін қызметтердің сапасы мен қауіпсіздігін бақылайтын департаментінің баспасөз қызметі оннан астам адам қатысқан видео-эстафета шектеу шаралары кезінде түсірілгенін мәлім етті. «Эстафетаға қатысушылар маскалық режим мен әлеуметтік ара-қашықтықты сақтағанмен, әкімнің орынбасары мен бөлім басшысы әкімшілік жауапкершілікке тартылып отыр», — делінген тиісті мекеменің хабарламасында.