Ақтөбелік кәсіпкер xайуанаттар бағын неге сүріп тастады?

Шенеуніктерге өкпелеген кәсіпкер сот шешімін күтпестен осындай қадамға барған. Осыдан он жыл бұрын ашылған хайуанаттар бағы әкімдіктегілерге бір күнде ұнамай қалыпты. ktk.kz хабарлағңандай, қала көркін кетіріп тұр деген желеумен ақыры сотқа арызданған. Олармен дауласып жатуды жөн көрмеген бизнесмен тұрғындар үшін тегін ұйымдастырылған шағын зообақты ақыры жоқ қылды. Ал онда тұрған керік пен басқа да жануарларды қала сыртындағы жылы қорасына қамапты. Олардың ендігі жағдайы қалай болатыны әзірге белгісіз. Айта кетелік, шенеуніктерге хайуанаттар бағынан өзге кәсіпкер Борис Байжарқыновтың өз ақшасына тұрғызған ескерткіші де ұнамай қалған. Олар тәуелсіздік монументінің көшірмесіндегі алтын адам бетін құбыладан көшеге қарай бұруды сұраған болатын.