Ардагер Уайдин: Данияр Уайсов өлтірілген лаңкестер тізімінде болған жоқ

Жақында әлеуметтік желілерде ақтөбелік Данияр Уайсовтың видеосы жарияланды. Ол zello_aktobe тобының инстаграмдағы парақшасында өзінің суреті көзі жойылған лаңкестер тізімінде тұрғанын айтып, құқық қорғау органдарының өзінен кешірім сұрауын талап еткен болатын. Ақтөбе облыстық ІІД бұл ақпаратты жалған деп отыр.
— Біз видеодағы азамат ұстап отырған көзі жойылған лаңкестердің суретін салып, тізім жасағанымыз жоқ. Әлгі тізімде zello_aktobe тобының белгісі бар екен. Бұл тізімді ақтөбеліктердің бірі жасаған болуы керек. Біз ондай сараптама жүргізгеніміз жоқ. Кімнің көзі жойылғаны, кімнің жарақат алғаны туралы ақпараттарды да тілшілерге бергеніміз жоқ. Демек, біру өздігінен сараптама жүргізіп, осындай тізім жасаған, — дейді облыстық ІІД баспасөз хатшысы Ардагер Уайдин.
А.Уайдиннің айтуынша, Д.Уайсов ІІД келіп, баспасөз қызметі жұмысына шағым айтқан.

https://www.youtube.com/watch?v=r9NfKUw_aGs