8 адам газдан уланып көз жұмды

11 ақпан 2018, 16:09

Алматы облысының ТЖ департаменті 1-28 ақпан аралығында өрт қауіпсіздігін сақтауға қатысты тексеру жұмыстарын бастады, деп хабарлайды Baq.kz ақпарат агенттігі Алматы облысы ТЖД баспасөз қызметіне сілтеме жасап.

Шараның басты мақсаты – тұрғындарды өрттен және газдан уланудан сақтандыру.

«Жыл басынан бері газдан 11 адам уланды (олардың алтауы — балалар), 8 адам (олардың біреуі — сәби) көз жұмды. Өткен жылмен салыстырғанда газдан уланғандардың саны 57% өсіп отыр. Ал адамдар қайтыс болған жағдай бесеуге көп», — делінген Алматы облыстық ТЖД хабарламасында.
Алматы облысының ТЖД қызметкерлері тұрғындардан өрт қауіпсіздік ережелерін сақтауларын сұрайды.