72 жылқы ұрлаған күдікті ұсталды

Полиция қызметкерлері 6 мал ұрлығына қатысы бар деп күдікке ілінген 35 жастағы жұмыссыз ер адамды ұстады.

2013 жылдан бері қылмыскер жергілікті үш тұрғынның 72 жылқысын ұрлаған. Жедел-тергеу шарасы барысында Жаңаарқа аудандық полиция бөлімінің қызметкерлері 35 жастағы жұмыссыз ер адамды анықтады. Ол малды сыртынан бақылап, иелерінің жоқтығына көз жеткізген соң жайылып жүрген жерінен айдап әкетіп отырған. Аталмыш дерек полицияда тіркелді. ҚР ҚК-нің 188-бабы 3-бөлігі (Бөтен мүлікті жасырын ұрлау) бойынша сотқа дейінгі тергеу басталды. Күдікті уақытша ұстау изоляторына қамалды. Қарағанды облысы полиция департаменті малды жайылымға тек бақташының қарауымен жіберіп, малға GPS трекерлер тағып, қамауға арналған жерді мықты құралдармен бекіту керектігін тағы да ескертеді.