72 cағаттық визасыз режим: Air Astana 45 мың транзиттік жолаушыны тасымалдауды жоспарлап отыр

Air Astana ҚХР және Үндістан азаматтары үшін 72 сағаттық визасыз режимді енгізудің нәтижелерімен және ағымдағы жылға болжаммен бөліседі. Өткен жылы Нұр-Сұлтан мен Алматы қалаларында тоқтаған 30 мыңнан астам Қытай және Үндістан азаматтары тасымалданған. Осы жылы әуе компаниясы Қазақстанда болған транзиттік жолаушылар санының 50% ұлғаюын күтеді, яғни шамамен осы елдерің 45 мың азаматын тасымалдауды жоспарлайды.

«Бұл режимді елімізде енгізуі экономиканы және туризмді дамытуға, жұмысбастылықтың, өндірістің, салық түсімдерін өсуіне септігін тигізеді. 2019 жылы 5 мыңға жуық транзиттік жолаушылар Air Astana әуе компаниясының Stopover Holidays бағдарламасымен пайдаланды. Сонымен қатар, қонақүйлер мен көлік компаниялардың жиынтық табысы 150 000 АҚШ долларын құрады. Жолаушылардың көбісі қонақүй мен басқа қызметтерді өз бетімен брондайтынын ескерсек, онда шағын және орта субъектілердің табысы оданда көп екенін аңғаруға болады, — дейді Air Astana-ның Қазақстанда және Орталық Азияда сату бойынша директоры Ислам Секербеков.

Алғаш рет ҚХР және Үндістан азаматтары үшін 72 cағаттық визасыз режимді ЭКСПО өткізуіне байланысты 2017 жылы енгізілген болатын және 2020 жылғы 31 желтоқсанына дейін әрекет етеді.

Мысал ретінде айта кетсек, Өзбекстанда да транзиттік жолаушыларды тарту бойынша күш салуда. 2018 жылдың 15 маусымнан бұл мемлекетте 101 елдің азаматтарын 5 тәулікке дейін визасыз режим енгізілген, ал жаңа жылдан бастап Қытай азаматтары Өзбекстанда визасыз 7 тәулікке дейін бола алады.