70 жастағы зейнеткер ұрлық жасады деп айыпталуда

26 қыркүйек 2020, 12:15

Нұр-Сұлтанда 70 жастағы зейнеткер телефон ұрлады деген күдікке ілінді. Бұл туралы елордалық полиция департаментінің баспасөз қызметіне сілтеме жасап Stan.kz хабарлайды.

Тергеушілердің айтуынша, ер адам кафеде отырғанда отбасының үстелге ұялы телефондарын қойғанын көрген. Зейнеткер осыны пайдаланып, шығып бара жатқанда 150 мың теңгенің екі смартфонын алып кеткен.

Көп ұзамай күдікті қамауға алынды. Ол бұрын ұрлық жасағаны үшін сотталған болып шықты.

Ұрланған телефондар тәркіленіп, иелеріне қайтарылды. Сотқа дейінгі тергеу жүріп жатыр, зейнеткер бәрін мойындады.

Полиция қазақстандықтардан мұқият болуды және жеке заттарын қараусыз қалдырмауын сұрайды.