61 жастағы екібастұздық өзін және бұрынғы сүйіктісін өлтірмек болды

61 жастағы екібастұздық өзін және бұрынғы сүйіктісін өлтірмек болды, – деп хабарлайды Polisia.kz.

4 қараша күні Екібастұз қаласының полициясына 52 жастағы қала тұрғыны бұрынғы танысына қатысты шара қолдануды сұрады. Жәбірленуші түсіндіргендей, алты ай бұрын ол 61 жастағы ер адаммен бірге тұрған. Кейінірек олар ажырасып кеткен, бірақ ер адам оны үнемі аңдып, жұмыстың жанына барып, зорлық-зомбылықпен қорқытып, сүйіктісін қайтаруға тырысқан. Сүйіктісін қайтару әрекеттері іске аспаған соң, ер адам қатаң шешім қабылдауға кірісті. Ол 2 қазан сағат 17.30 шамасында әйелдің ауласына келіп, оған және өзіне бензин құйып, өртеуге тырысты, осылайша өлтіремін деп қорқытты. Бақытымызға орай, әйел қашып кетіп, болған оқиға туралы туыстарына хабарлай алды. Ер адамға қатысты қауіп төндіру бойынша Қазақстан Республикасы ҚК-нің 115-бабына сәйкес сотқа дейінгі тергеу жүргізілуде. Айта кетейік, жылдың басынан бері Павлодар облысында осыған ұқсас 11 факті тіркелген.