6 студент аман-есен елге оралды

Мысырда тұтқындалған 6 студент аман-есен елге оралды. Бұл туралы Сыртқы істер министрлігі баспасөз қызметінің жетекшісі Әнуар Жайнақов Facebook-тегі жеке парақшасында жазды деп хабарлайды jasqazaq.kz тілшісі.

«Еліміздің барлық алты азаматы бүгін Мысырдан өз Еліне аман-есен оралды. Қазір олар үйлеріне, туыстары мен жақындарына бара жатыр», — дейді Жайнақов.

Еске сала кетейік, 24 шілде күні алты студентіміздің Мысырда жоғалып кеткені хабарланған. Кейін оларды сол елдің құқық қорғау мекемелері ұстап кеткені белгілі болды. Мысырлық тарап студенттердің қайда және не үшін ұсталғаны туралы уақытында ақпарат бермегендіктен, еліміздің сыртқы істер министрлігі наразылық нотасын жолдады. Артынша 6 студенттің елімізге жеткізілетіні туралы хабар берілген.