6 қыз жұмыс істейтін интим салоны табылды

Елордалық полицейлер қаладағы коттедждерінің бірінен интимдік қызметтер көрсететін массаж кабинетін тапты. Бұл туралы  zakon.kz хабарлайды.

Полиция кіріп келгенде, сырт көзден таса тұрған коттедждің массаж салонында клиенттерге интим жасап беретін 6 қыз болған.

Массаж салонының әйел бастығы ҚР Әкімшілік құқық бұзушылық туралы кодексінің 450 бабымен «Жезөкшелік немесе жеңгетайлық жасалатынын біле тұра үй беру» жауапқа тартылып, оған 100 АЕК (277800 теңге) көлемінде айыппұл салынды.

Жиналған материал 425 бап «Халықтың санитарлық-эпидемиологиялық салауаттылығы саласындағы заңнама талаптарын, сондай-ақ гигиеналық нормативтерді бұзу» бойынша әкімшілік жауапкершілікке тарту үшін Есіл ауданының тауарлар мен қызметтердің сапасын бақылау және бақылау бөліміне жіберілді.

Нұр-Сұлтан қалалық полиция бөлімі карантин кезінде қызметіне тыйым салынған ойын-сауық орындарына барғанда адамдар өз денсаулығына ғана емес, жақындарының денсаулығына да қауіп төндіретінін ескертеді. Полиция карантиндік шараларды бұзғаны үшін жауапкершілікті еске салып, санитарлық нормаларды сақтауға шақырады.