54 курсант коронавирус жұқтырып алған

17 сәуiр 2020, 14:17

Алматыдағы төтенше жағдайға қатысқан ҰҚК Шекара қызметі академиясының курсанттары коронавирус жұқтырды. Бұл туралы онлайн-брифингте Қоғамдық денсаулық басқармасының бастығы Тілеухан Әбілдаев мәлімдеді.

Ол басында коронавирус инфекциясы академияның 14 курсантынан анықталғанын, бірақ кейінірек олардың арасында COVID-19 вирусын жұқтырғандардың саны артқанын айтты.

Қосымша талдау нәтиежелері алынғаннан кейін ауруды жұқтырғандар саны 54-ке жетті. Олардың барлығы жұқпалы аурулар ауруханасына жатқызылды. Олардың жағдайы қанағаттанарлық деңгейде, клиникалық хаттамаға сәйкес барлық қажетті ем-домдар алып жатыр, — деді Тілеухан Әбілдаев.
Бұған дейін Алматыда коронавирусты жұқтырған дәрігерлердің саны көбейгенін артқанын хабарлаған едік.