jasqazaq.kz

44 мыңнан астам қазақстандық салық рақымшылығын пайдаланды

09 қантар 2020, 18:00

Елімізде салық рақымшылығы басталғалы жеңілдікті 44 397 салық төлеуші пайдаланды. Бұл туралы Орталық коммуникациялар қызметінде ҚР Қаржы бірінші вице-министрі Берік Шолпанқұлов мәлім етті, деп хабарлайды ҚазАқпарат.

«Барлығыңыз білетіндей, 2019 жылдың 1 қаңтарынан бастап салық төлеуші негізгі қарыздың сомасын төлеген жағдайда есептелген өсімпұлдар мен айыппұлдарды есептен шығару арқылы шағын және орта бизнес субъектілеріне салықтық рақымшылық жүргізу тапсырылған болатын. Қаржы министрлігі заңнамаға түзетулер енгізіп, тиісті ішкі нормативтік құқықтық актілер әзірлеп, соның негізінде былтыр шағын және орта бизнес субъектілері үшін, сондай-ақ жеке тұлғалар үшін салықтық рақымшылық жасалды. 2018 жылдың 1 қазанындағы жағдай бойынша берешегі бар салық төлеушілер рақымшылық науқанына ілігіп, өтеу кезінде есептелген өсімпұлдар мен айыппұлдар есептен шығарылды. Салықтық рақымшылық қорытындысы бойынша, жалпы республика деңгейінде 41 183 салық төлеуші 8,3 млрд теңге сомасында берешегін өтеді. Бұл ретте, есептен шығарылған өсімақылар мен айыппұл сомасы 2,9 млрд теңгені құрады», — деп атап өтті Қаржы министрінің бірінші орынбасары. Берік Шолпанқұловтың айтуынша, 2018 жылдың 1 қазанындағы жағдай бойынша салықтық тексерулердің нәтижелері туралы хабарламаға шағым жасауға байланысты берешегі анықталмаған салық төлеушілер де рақымшылыққа ілінген. «Былтыр тамыз айынан бастап салық заңнамасын бұзған, алайда оны өз бетінше жойған және 2018 жылдың 1 қазанына дейін төлеу мерзімімен өткен салық кезеңдері үшін қосымша салық есептілігін ұсынған салық төлеушілерге де рақымшылық жасалды. Нәтижесінде 3 214 салық төлеуші рақымшылықты пайдаланып, олар 10,1 млрд теңге берешекті төлеген. Олардың 3,6 млрд теңге көлеміндегі айыппұлдары мен өсімақылары есептен шығарылды. Осылайша, салықтық рақымшылықты қолданған салық төлеушілердің жалпы саны 44 397 құрады. Төленген берешек 18,4 млрд теңгені, ал есептен шығарылған өсімақылар мен айыппұлдар 6,5 млрд теңгені көрсетті», — деп түйіндеді Берік Шолпанқұлов.

18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия