4 жасар баланы ауруханаға жатқызбай қойған хирург сотталмақ

Татарстанда 32 жастағы хирург маман өлім аузындағы баланы ауруханаға жатқызудан бас тартқан. Осының салдарынан бала араға екі сағат салып көз жұмған. Дәл қазір дәрігердің үстінен қылмыстық іс қозғалды.

Бұл туралы gubdaily.ru басылымы жазды.

Азнакаев ауруханасына 4 жастағы бала келіп түскен. Осыдан кейін баланы Лениногорскідегі балалар стационарына жібереді. Сол жерде дәрігер балаға ота жасаудың қажеті жоқ деген анықтама беріп, үйіне қайтарады.

Араға бірнеше сағат салып баланың денсаулығы күрт нашарлайды. Жақындары баланы бірден Азнакаев ауруханасына алып барады. Бірақ, дер кезінде көмек көрсетілмегендіктен, бала көз жұмады.

Тергеушілер бұл іске хирург маманды айыптап отыр. Ол балаға дұрыс тексеру жүргізбеген. Осы себепке байланысты оның үстінен қылмыстық іс қозғалды. Қазір дәрігерге басқа қалаға кетуге тыйым салынған.

stan.kz