jasqazaq.kz

23 инвестициялық жобаға 2,3 трлн теңге тікелей шетелдік инвестиция тартылмақ

10 қыркүйек 2020, 9:20

«Самұрық-Қазына» ұлттық әл-ауқат қоры 2020 жылы 23 инвестициялық жобаға 2,3 трлн теңге көлемінде тікелей шетелдік инвестиция тартуды жоспарлап отыр. Бұл туралы компанияның баспасөз қызметі таратқан мәліметінен белгілі болды, деп хабарлайды jasqazaq.kz.

2019 жылы «Самұрық-Қазына» компаниялар тобы жалпы көлемі 2,8 трлн теңге тікелей шетелдік инвестиция тартқан болатын. Бұл елімізге тартылған жалпы шетелдік инвестицияның 30,3% құрайды.

Коронавирус инфекциясына байланысты болған карантин мен әлемдік тасымалдау жүйесіндегі кедергілерге қарамастан, «Самұрық-Қазына» ұлттық әл-ауқат қоры 2020 жылдың екінші жартыжылдығында 1,1 трлн теңге көлемінде тікелей шетелдік инвестиция тартуды жоспарлап отыр.

«2020 жылы мұнай-газ, химия, энергетика және тау-металлургия кешені сияқты салаларда «Самұрық-Қазына» қорының қоржындық компанияларының қатысуымен 23 инвестициялық жобаға 2,3 трлн теңге көлемінде тікелей шетелдік инвестиция тарту көзделген», — деп хабарлады компанияның баспасөз қызметі.

Қор ішінде шетелдік инвестиция үшін тартымды болып отырған жобаларды ерекше атап өтуге болады. Мәселен, Ерейментау ауданындағы қуаты 50Мвт жел электр станциясы мен қуаты 60МВт болатын Шелек дәлізінің құрылыстары екеуін қоса алғанда, 30 млрд теңге шетелдік инвестиция тартқан.

Ал, World Investment Report ұйымының мәліметтеріне сілтеме жасай отырып хабарлаған «Самұрық-Қазынаның» дерегіне сүйенсек, 2020 жылдан 2021 жылға қарай әлем бойынша тікелей шетелдік инвестицияның көлемі 40% күрт азаяды.

Дегенмен, әлемдегі тасымалдау жүйесінің кідіріп тұрғанына және осындай болжамдарға қарамастан, «Самұрық-Қазына» қоры уақытында қабылданған шаралардың арқасында, тікелей шетелдік инвестицияның көлемі азаймай, 2019 жылмен салыстырғанда 85% деңгейінде сақтап отыр. «2019 жылы «Самұрық-Қазына» қорының компаниялар тобы 2,8 трлн теңге көлемінде тікелей шетелдік инвестиция тартқан болатын. Ол Қазақстан Республикасына келген барлық тікелей шетелдік инвестицияның 30,3% еді», — деп хабарланған компанияның ақпаратында.
Естеріңізге сала кетейік, осы жылдың маусым айында S&P Global Ratings атты халықаралық рейтинг агенттігі «Самұрық-Қазына» Ұлттық әл-ауқат қорының ұзақмерзімді және қысқамерзімді несие рейтингісін «ВВ+/В» деңгейінде растаған болатын. Бұл дегеніміз, Қордың компаниялар тобы шетелдік инвестиция үшін тартымды болып отыр.

18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия