20 тонна өнім Қырғызстанға кері қайтарылды

Осы жылдың 1 қарашасында Жамбыл облысы Қордай ауданында карантиндік өнімдерге (кептірілген жемістер) фитосанитарлық бақылау жүргізу кезінде қауіпті карантиндік нысан — Шығыс жеміс жемірі анықталды, деп хабарлайды ҚР АШМ баспасөз қызметі.

Бұл өнімді Қазақстанға әкеле жатқан. 20 тонна көлеміндегі жүк Қырғызстан Республикасына қайтарылды. Өткен айда Қырғыз карантиндік өнімдері бойынша өсімдіктер карантині саласында 107 бұзушылық фактісі анықталса, оның ішінде карантині бар өнімдерді ҚР аумағына әкелу бойынша 41 факті, ЕАЭО фитосанитарлық талаптарын сақтамау бойынша 66 факті тіркелген. 101 факті бойынша 995 тонна жүк Қызғызстанға қайтарылды. 295 мың теңге сомасында айыппұл салынды. Айыппұлдың жалпы көлемі 700 мың теңге. Қырғызстанға 64 нотификация бағытталды. Қырғызстан АШМ құзыретті органдарына шара қолдану туралы ескерту хат жолданды. Әзірге жауап жоқ. Сондай-ақ, ЕАЭК-ға да хат жіберілді.

ҚазАқпарат