Қарағандыда екі жасар қыз бесінші қабаттағы пәтер терезесінен құлап кетті. Бұл туралы Tengrinews.kz хабарлайды.
Сәби ауыр жарақат алып, жансақтау бөлімінде жатыр.
«Оқиға Гоголь көшесінде болған. 2019 жылғы қыз абайсызда бес қабатты үй терезесінен құлап кеткен. Зардап шегуші ауруханаға жатқызылды», — деді Қарағанды облысы Төтенше жағдайлар департаментінің баспасөз қызметі өкілдері.
Дәрігерлердің айтуынша, сәбидің аяқ-қолы бірнеше жерден сынған. Жағдайы ауыр.