19 жастағы қыз жұрттың алдында екі көзін ойып алды (видео)

12 ақпан 2018, 10:45

АҚШ-тың Оңтүстік Каролина штатындағы Андерсон округінде 19 жастағы қыз жұрттың алдында өз қолымен екі көзін шұқып, ойып тастады. Жантүршігерлік оқиға жайлы WYFF-4 телеарнасы хабарлады.

«Мен жолдың арғы бетінде болдым. Айғайлаған дауыс пен қанды көрдім. Мен бір сұмдықтың болғанын сездім. 911-ге қоңырау шалдым, алайда диспетчер маған бірден сенбеді», — дейді куәгер Элизабет Хиотт. Төтенше жағдайдың куәгерлері қыз баланың өзінің көз жанарын қолына ұстап, ешкімді жақындатпағанын айтады. Бірнеше адам, полицейлер және дәрігерлер оған әрең дегенде медициналық көмек көрсеткен. Қыз медициналық ұшақпен ауруханаға жеткізілген. Қазіргі уақытта ол интенсив терапия бөлімінде жатыр. Полиция оқиғаның мән-жайын анықтап жатыр. Жергілікті тұрғындардың айтуынша, қыз шіркеуге кей кездері келіп тұратын болған.