19 жастағы астаналық жігітті скотчпен байлап, тонап кетті

Астанада қаскүнем 19 жастағы жігітті скотчпен байлап, қымбат телефонын ұрлап кетті. Zakon.kz сайтына елордалық полицейлердің хабарлауынша, күдікті ұсталды.

Жәбірленуші полицияға хабарласып, оқиғаның мән-жайын айтып берді.

Айтуынша, ол құрылысшы жалдаған, бірақ жұмыс біткен соң ақшасын төлемеген.

Салдарынан жұмысшы күш қолданамын деп қорқытып, жігітті скотчпен байлап, банк картасы салынған ұялы телефонын алып кеткен.

Ведомствоның баспасөз қызметінің мәлімдеуінше, 41 жастағы шабуылшы ұсталды. Ол телефонды ломбардқа өткізіп жібергенін айтты.

Сондай-ақ тонау фактісі бойынша сотқа дейінгі тергеу амалдары жүргізіліп жатқаны, күдікті уақытша ұстау изоляторына қамалғаны мәлім болды.

Ұсталған жігіт бұрын қылмыстық жауапкершілікке тартылған.