18 жастағы бойжеткенді іздеу жалғасуда

Алматы облысында алты күннен бері із-түзсіз жоғалған 18 жастағы Айгүл Амангелдіні іздеу жалғасуда.

Алматы облыстық Полиция департаментінің баспасөз қызметінің мәліметінше, бойжеткен 13 мамыр күні үйінен шығып кетіп, оралмаған. Талғар ауданының Белбұлақ ауылындағы үйінен шығып кеткен Айгүл Жанатбекқызын іздестіруге полицейлер, еріктілер, қыздың туыстары, жұмылдырылған. Олар жер-жердегі тау, өзен маңын барлық жерді іздестіріп жатыр. Қыз баланың бойы шамамен 167-168 см, орта денелі, көзі көкшіл-сұр. Үстіне көк шалбар, ақ жейде киген. «Із-түзсіз жоғалған тұрғынды іздеуге ауданның полицейлері мен еріктілері жұмылдырылған. Егер кімде-кім Айгүл Амангелді жайлы қандай да бір ақпарат білетін болса бірден 8 (7282) 600-232, 600-233, 8 (727) 295-61-05, 295-63-96 немесе 102 номерлеріне хабарласуларыңызды сұраймыз», — делінген аталған ведомствоның таратқан ақпаратында.