15 жастағы ару жаңа туған нәрестесін тоңазытқышқа жасырып қойған

15 жастағы қырғыз қызы Санкт-Петербургте босанып, сәбиін тоңазытқышқа жасырып қойған. Абырой болғанда баланы дер кезінде көріп қалған. Қазір оның жағдайы жақсарып келеді деп хабарлайды kabarlar.org сайтына сілтеме жасаған NUR.KZ.

Санкт-Петербургтагң жатақхана тұрғыны мамыр айының басында тоңазытқыштан жаңа туған нәрестені тауып алады. Ол бірден құқық қорғау органдарына хабарласып, соның арқасында сәби де, анасы да өлімнен аман қалады.

«7 мамыр күні қалалық балалар ауруханасына үй жаңғдайында туылған азиаттық сәби келіп түсті. Оның анасы босана сала, баласын жатақхана дәлізінде тұрған тоңазытқышқа салып қояды. Аталмыш іс бойынша «адам өлтіруге ниеттену» бабымен қылмыстық іс қозғалды», — дейді құқық қорғаушылар.

Баланы үйде босанған әйел медициналық көмектің болшмағанынан көп қан жоғалтып, қазір аурухзанада ем қабылдап жатыр екен. Ал нәресте туыла салып суық жерге түскенімен, өміріне төніп тұрған ешқандай қауіп жоқ дейді мамандар.

Әйел толық сауығып шыққан соң, тергеу абақтысына тогғытылады екен. Ал бала тағдыры сот барысында шешіледі.

Қазір сәбиді өз қамқолрлығына алу үшін оның әжесі, Ресей азаматшасы құжаттар жинап жүрген көрінеді. алайда оның өз баспанасы болмағандықтан, нәрестені біраз уақыт балалар үйңне орналастыру жоспарланып отыр.