«15 мың доллар»: Еліміздегі ең қымбат гонорарды кім алады?

     Отандық жұлдыздарымыздың арасында асабалық қызметімен ерекшеленіп жүргендері бар. Ал олардың гонорары өнер иесінің танымалдығына орай қымбаттай береді. Еліміздегі ең қымбат асабалар «31» арнаның «Айта берсін»  бағдарламасында айтылды.

 Сонымен жұлдызды асабанаң 4 –орнында әнші Нұрлан Еспанов. Бағдарламаның мәліметінше, әншінің гонорары бір миллион теңге.

Алайда Еспановтың өзі нақты бағасы жоқ екенін айтады. Ол: «Гонорар демекші, бізде нақты баға жоқ. Оны айтуға ұялып та тұрмын. Жалпы біз орысша, қазақша басқарамыз ғой. Сол үшін жақсы төлейді. Орысша-қазақша сөйлеуден бөлек, мәдениетті ойындарым бар. Ән айтамын, әзілім бар. Тойды бір кісідей алып шығамын. Оның үстіне орысша-қазақша сөйлеп, бірдей алып жүрген асабалар көп емес қой», — деді.

3-орында Нұржан Төлендиев. Оның гонорары — 4 мың АҚШ доллары (1 млн 500 мың теңге). Әзілкеш өзге қалаларға көмекшісімен бірге барады. Ал әуе билеттері мен қонақ үй шығыны актердің гонорарынан бөлек төленеді.

2-орында актер Азамат Сатыбалды — 5 мың АҚШ доллары (1 млн 900 мың теңге)

1-орында — Тұрсынбек Қабатов — 15 мың АҚШ доллары (5 млн 767 мың теңге). Әзілкештің қаламақысы бірнеше жылдан бері өзгеріссіз келеді.

Дайындаған Мақпал Ноғайбаева