14 жастағы оқушы жоғалып кетті (видео)

Түркістан облысы Жетісай ауданында 14 жастағы мектеп оқушысы Таған Әсия із-түзсіз жоғалып кетті. Бұл туралы «Астана» телеарнасы және Түркістан облысы ПД баспасөз қызметіне сілтеме жасап Tengrinews.kz хабарлайды.

Жасөспірім 4 маусымда түскі астан кейін үйінен шығып, оралмаған. Қыздың ата-анасы полицияға өтініш берген. Полиция қызметкерлері дереу іздестіру шараларын бастаған, бірақ әлі нәтиже жоқ.

Биыл Әсия сегізінші сыныпты бітірген. Оның екі әпкесі және алты ағасы бар. Анасының айтуынша, ол бұрын қызының оғаш әрекеттерін байқамаған.

«Өңірдің барлық тұрғындары мен қонақтарынан жоғалып кеткен қызыды табуға көмектесуді сұраймыз», — деді Түркістан облысы ПД өкілі. Мектеп оқушысы сол күні ақ жейде, қара шалбар және қара түсті аяқ киім киіп шыққан. Samsung Galaxy J2 маркалы телефоны болған.

Жасөспірім туралы ақпарат білетіндер болса 8 (72534) 6-70-20 немесе 102 нөміріне қоңырау шалып, хабарлай алады.