13 адам коронавирусты ел аумағында жұқтырған

Елімізде коронавирус анықталған науқастардың 13-і вирусты Қазақстанда жұқтырған, деп хабарлайды «Хабар 24». 29 науқас шетелден ауырып келсе, 26-сы – солармен байланыста болғандар. Бұл туралы орталық коммуникациялар қызметінде Ақпарат және қоғамдық даму министрі Дәурен Абаев мәлімдеді. Оның айтуынша, вирус жұқтырғандардың 80 процентінде аурудың белгілері айқын білінбейді. Сондықтан қазір шетелден келген азаматтар бірден оқшауланады. Оларды кем дегенде бір күн оқшаулап, коронавирус инфекциясының бар жоғын анықтайтын тест жасайды. Жалпы осы күнге дейін 15 мың тест сынамасы жасалған. Сонымен қатар министрдің хабарлауынша, 27 наурызда Алматыға 266 мың тест әкелінеді. Ал 29 наурызда дәрігерлерге берілмек. Министр әскери қызметте жүргендерге қатысты да мәлімдеме жасады.