100 жастағы ақсақал мектепке барып сауатын ашуда

25 шiлде 2017, 17:34

Яхия ибн Файле есімді саудиялық өзінің сауатын ашу үшін арнайы мектепке барып білімін жетілдіріп жүр.

Саудияда «әл-Сада» деген орталық сауат ашумен айналысады. Аталмыш орталық орта білім беретін бағдарламалар бойынша сабақ береді.

Осыны пайдаланған Яхия есімді ақсақал бүгінде оқу мен жазуда үйреніп алды. Сонымен қатар ол қасиетті Құранды да өз еркімен оқи алатын жағдайға жетті. Бұл оның бала күнінен бергі арманы екен. Осыған байланысты ақсақал өзінің дегеніне жетіп қуанышында шек жоқ екенін жасырмады.

Ақсақалдың білімге деген құштарлығын көрген оның Ибрахим есімді замандасы да алдағы уақытта мектеп табалдырығын аттауды көздеп отыр.

muftyat.kz