jasqazaq.kz

100 кітап сыйға тартылды

09 қыркүйек 2021, 17:02

Бүгін Әл-Фараби атындағы Қазақ ұлттық университетінің «Сұңқар» студенттер және магистранттар кәсіподағы Тілдер мерекесіне орай «100 кітапты иелен!» атты акция өткізді. Тілдер апталығы аясында университет қалашығы аумағында өткізілген шараға студенттермен қатар, оқытушы-профессорлар да атсалысты.

Акция барысында тілдер және оның тарихы туралы түрлі сұрақтарға дұрыс жауап бергенқатысушыларға Әл-Фараби мен Абай кітаптары сыйға тартылды.

Филология факультеті «Сұңқар» студенттер кәсіподағының төрағасы Дидар Құрман Тілдер мерекесіне арналған шараның биыл форматы өзгергенін жеткізді. Ол: «Біздің ұйым жыл сайын Қазақстан халқы тілдері күніне орай түрлі шаралар өткізеді. Өткен жылдары бауырсақ-пати ұйымдастырсақ, бұл жолы «Қазақ университеті» баспасынан жарық көрген аса бағалы кітаптарды ұсынуды жөн көрдік. Қатысушы жастар сұрақтардан бөлек, тіл туралы көптеген мақал-мәтел, нақыл сөздерді білетінімен қуантты», – дейді.

Шараға қатысқан университеттің 3-курс студенті Ғанибет Есетова жастарды ана тілін құрметтеуге және кітап оқуға ынталандыратын мұндай шараларды қолдайтынын білдірді. «Мен тіл туралы сұрақтарға жауап беріп, Әл-Фараби мен Абай шығармаларын ұтып алдым. Қолыма аса құнды кітаптардың түскеніне қуаныштымын. «Өзге тілдің бәрін біл, Өз тіліңді құрметте» деген сөз бар. Жастарға ой салар осындай пайдалы шаралар көп болғанын қалаймын» деген пікірімен бөлісті.

Бүгін, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия