1 миллион теңгеге ерекше орындықтар орнатылмақ

Алматы қаласы Бостандық ауданы әкімінің орынбасары Серік Әділбаев қалада 1 миллион теңгеге «сөйлейтін» орындықтар орнатылатынын айтты. Бұл туралы  Tengrinews.kz хабарлайды.

«Орындықтар аудио жүйенің көмегімен «сөйлей алады». Адам орындыққа отырған кезде ол тарихи тұлғалардың өмірбаянын айтып, әндер мен өлеңдерді орындайды.

Тұңғыш Президент атындағы саябақта екі жоба іске асырылды: онда құны 1 миллион теңге болатын интерактив, «сөйлейтін» орындықтар орнатылып, бағасы 1,7 миллион теңге «тоғызқұмалақ» ойынына арналған алаң салынды», — дейді Серік Әділбаев.

Сондай-ақ, ол биыл 20 жоба іске асыралатынын атап өтті. Оның айтуынша, «сөйлейтін » орындықтар Бостандық ауданындағы бірнеше жерде орнатылады екен.