1,5 тонна контрабандалық жанармайдың жолы кесілді

10 мамыр 2018, 12:30

Шекарашылар Қырғыз-Қазақстан шекарасында 1,5 тонна контрабандалық жолмен тасымалданған жанар-жағармайдың жолын кесті, деп хабарлайды Қырғызстан шекара қызметінің баспасөз қызметі.

Аталып өтілгендей, 2018 жылы 9 мамырда «Чон-Капка-автодорожный» бақылау-өткізу бекетінде шекарашылар ілеспе құжаты жоқ жанар-жағармайды ұстады. «1982 жылғы Қырғызстан азаматы Қазақстаннан Қырғызстанға «Ford Transit» маркалы автобусқа орналастырылған қосымша бактар арқылы ілеспе құжаты жоқ 1500 литр жағармай (солярка) алып өтпек болған», — делінген хабарламада. Ұсталушы мен жанар-жағармай Қырғызстанның қаржы полициясы аймақтық бөлімінің қызметкерлеріне берілді.

ҚазАқпарат