Зілзала құрбандарының саны 40 мыңнан асты

Түркияда болған жойқын зілзаладан құрбан болғандар қатары 40 642 адамға жетті. Эпицентрі Қахарманмараш провинциясында болған жер сілкінісінен қираған үйіндіден құтқару жұмыстары әлі де жалғасып жатыр.

Анкарада брифинг өткізген Түркия үкіметі жанындағы табиғи апаттар және төтенше жағдайлармен күрес департаментінің (AFAD) басшысы Жүніс Сезер құрбандар саны қырық мыңнан асқанын мәлім етті. Бұл туралы Анадолы агенттігі хабарлады.
Ж. Сезер апат болған аймақтан адамдарды құтқару жұмысы бүгін тоқтату жоспарланғанын айтты. Департамент басшысы құтқару жұмысына 13 мыңға тарта адам жұмылғанын, 80 елден көмек қолы келгенін айтты. Өзге елден келген құтқарушылардың алды кері қайтқанын, қиын сәтте демеу болған елдерге алғысын жеткізді.

JQ-Aqparat