jasqazaq.kz

Жылысайдағы наурыз — ынтымақ, бірлік айғағы

22 наурыз 2023, 17:54

Әз Наурыз мейрамын жыл сайын жалпыхалықтық сипатта мерекелеу үрдіс алып келеді.
Бұл мерекені жылысайлықтар да биыл жоғары деңгейде атап өтті. Алматы облысы, Кеген ауданы, Жылысай ауылында жыл басы, Әз Наурыз мейрамын ауыл халқы асыға күтеді. Өйткені жыл сайын бұл мейрамды ауыл халқы ерекше дайындықпен атап өтеді. Биылғы тойды Жылысай ауылдық округіне қарайтын Қолтықбастау ұжымшары өткізді. Ұлттық өнер ұлықталып, салт дәстүр жаңғыртылған мерекеде, баланы бесікке бөлеу сынды салттық ғұрып көрсетілді.

Жігіт сұлтаны сайысында қатысушылар білек күші ғана емес, өнерпаздардың өнері, атты ерттеу сынды сынақтан да өтті. Арқан тартыс, гір тасын көтеру додасында да атан жілік, апайтөс жігіттер тартысқа түсті.
Мереке соңында көкпар тартылып, тай бәйгесі ұйымдастырылды.

«Жылысай ауылында жыл сайын наурыз мерекесін әр көше ұйымдастырады. Яғни төс байлау арқылы эстафеталық үрдіс бойынша мерекені өткізеді. Бұл жолғы кезек, Қолтықбастау ұжымшарындағы тұрғындарға байланды.

Қуандық Бағашаров, Талғарбек Нұрбаев сынды ақсақалдар бастаған ауыл азаматтары жоғары деңгейде өткізді.Бұл ауыл халқының ынтымақ,бірлігінің айғағы»,— деді ауыл әкімі Қайрат Нарынбаев.
Ауылдық ақсақалдар кеңесінің төрағасы Болат Таубалдиев мерекелік басқосуда бата беріп, көпшілікке тілегін жеткізді.

Қуан Жомарт,
Алматы облысы.

16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр
12 қараша, 14:55
Шымкентте қауіпсіздік инфрақұрылымы кеңейіп келеді
10 қараша, 20:03
«COP31»: Әділ, теңгерімді көзқараспен нақты нәтижеге
10 қараша, 16:00
Азамат Ешанқұл: Алматыдағы қоғамдық көліктің 81,2%-ы экологиялық таза отынға көшті