Кезек Талдықорғанға жетті. Қалада жылу қазандығы жарылып, 280 абонент жылусыз қалды деп хабарлайды JQ-Aqparat Талдықорған қаласы әкімдігінің баспасөз қызметіне сәлтеме жасап.
«280 абонент жылусыз қалды. Оның ішінде жеке және көпқабатты үйлер, бизнес нысандары — бәрі бар. Жарты сағаттың ішінде резервте тұрған қазандық іске қосылады»,- деді Талдықорған қаласы әкімінің баспасөз хатшысы Мәди Шәкенов.
Қазір Талдықорғанда -11 градус аяз.
«Жылу қазандығындағы апаттың мән-жайы анықталып жатыр. Зардап шеккендер жоқ»,- деді Мәди Шәкенов.