Жоғалған қарияның мүрдесі табылды (Видео)

5 қаңтар күні өзінің үйінен белгісіз бағытта шығып кеткен қарияның мүрдесі табылды деп хабарлайды JQ-ақпарат Polisia.kz-ке сілтеме жасап.

Түркістан облысы, Қызылту ауылының тұрғыны Молдабек Игенбаевтың жансыз денесі егістік алқабынан табылды. Арыз 6 қаңтар күні тіркеліп, қарт адамның брауы мүмкін деп болжанған бағыттары бойынша іздестіру жұмыстары жүргізілді. Полицейлермен бірге еріктілер, ауыл тұрғындары да да іздесті. 8 қаңтар күні кешкі бес шамасында «Шүрен төбе» деп аталатын егістік алқабынан тәртіп сақшыларымен бірге іздеуге шыққан ауыл тұрғындары байқаған. «Ер адамның денесін сырттай қарау барысында ешқандай зорлық-зомбылық белгілері анықталмады. Қазіргі таңда сот медициналық сараптамасы тағайындалып, тергеу амалдары жүргізіліп жатыр» деп жазды Polisia.kz.