Жемқорлардың «жемсауынан» түскен ақша – 120 миллиард теңге

Премьер-министрдің орынбасары, қаржы министрі Ерұлан Жамаубаев жемқорлардан тәркіленіп, мемлекетке қайтарылған қаржының сомасын айтты. Қазына бүгінгі күнге дейін 120 миллиард теңге қайтарылған. Қазынашылық органдарда ашылған арнайы есепшоттарға жемқорларыдң «жемсауынан» түскен ақша аударылып жатыр.
«Бүгінге дейін есепшотта, шамамен, 120 миллиард теңге жиналды. Біз оқу-ағарту министрлігінен өтінімдерді күтіп отырмыз. Алдымен үш ауысыммен оқитын мектептер жөнделеді. Ағымдағы жөндеу жұмыстары бар, мектепті кеңейту үшін қосымша құрылыс салынады. Есепшоттағы ақша ең бірінші соған жұмсалады», – деді министр Е.Жамаубаев брифингте.

JQ-Aqparat