Желі жұлдыздарын көруге келген шымкенттік балаларды үлкендер таптап кетті (видео)

27 мамыр 2017, 22:58

Алматылық Yuframe атты вайнерлердің Шымкентегі кешіне ағылған халық саны тым көп болғаны соншалық, балалар тапталып қалды. Бұл туралы NUR.KZ порталы newtimes.kz агенттігіне сілтеме жасап хабарлайды.

Табынушыларымен кездесуді ақыры өткізе алмаған вайнерлер зардап шеккен балалардан кешірім сұрады.

Топтың қатысушысы Артур Асқарұлы Instagram желісіне балалардың тапталып жатқан сәтінен видеоны жария етті. Видеода Артур қалың халықтың арасында қыз балалардың бірінің жағдайы нашарлап кеткенін айтып жанұшырып жүр. Ол таптауда қалған қыздың шығуына көмектесуін сұрап жатқан жерінде видео үзіледі.

Вайнерлер өз парақшаларында кешірім сұрады.

«Шымкент, өкінішке қарай кездесу балаларды үлкендердің таптай бастауы салдарынан өтпей қалды… Бір-бірімізді сыйлап, қамқор болуды ұмытпайық. Бәрі үшін кешірім сұраймыз. Сіздерді жақсы көреміз», — дейді вайнерлер.