Алматыда өткен бокс кешінде жерлесіміз Жанқош Тұраров (26-0, 19 КО) титулдық жекпе-жек өткізіп, мексикалық қарсыласын жеңді. Sports.kz жазғандай, Жанқош Тұраров жартылай орта салмақта IBO нұсқасы бойынша әлем чемпионы атағы үшін мексикалық Алехандро Менесеспен (16-5, 9 КО) жұдырық түйістірді. Менесес чемпион болса да, Жанқоштың одан басым түсеріне күмән болған жоқ. Расында да, он екі раундқа есептелген жекпе-жек Жанқош Тұраровтың жеңісімен аяқталды. Қарсыласы оныншы раунд басталмай жатып, шайқасудан бас тартты.
Жанқош Тұраров кәсіпқой мансабындағы 27-ші жеңісіне қол жеткізіп, IBO тұжырымы бойынша жартылай орта салмақтағы әлем белбеуін жеңіп алды. Алехандро Менесес кәсіпқой бокста алтыншы рет жеңіліске ұшырап, титулын қолдан берді.
JQ-Aqparat