Жамбылда 202 мың гектар жер қайтарылды

Жамбыл облысында игерілмей жатқан 202 мың гектар жер мемлекет меншігіне қайтарылды. Осынау ұланғайыр алқап мемлекетке қайтарылғанға дейін 449 адамның меншігінде болған. Олар не өздері игермеген, не өзгеге пайдалануға (мал жаюға, шөбін шабуға, егін егуге) рұқсат етпеген.
Облыстық прокуратура араласып, жер дауы сотқа жетпей қайтарылды. Жамбыл облысында тұрғындар жайылымның тарылғанын, жер жетпейтінін айтып жиі шағымданататын. Әулиеаталықтарға төрт түлігін түлету үшін 700 мың гектар жайылымдық жер қажет болса, мемлекетке қайтарылған 202 мың гектар жайылым жайылым біраз жыртыққа жамау болады. Бос жатқан жерді қайтару «Сенім маршруты» іс шарасы аясында жүзеге асырылып келеді. «Сенім маршруты» арқылы облыс әкімі мен прокуратура өкілдері ауыл, аудандарды аралап шалғайдағы жұрттың мәселесін уақытында шешуді мақсат етіп отыр.

JQ-Aqparat